【係肉呀！】
話說小妹都算係一個幾慳家既人，平時係香港都唔會點亂洗錢，所以更何況黎到比利時，只有出無入既世界呢。呢度既物價無香港咁貴，一包500G既意大利粉都只不過係港幣4蚊左右(留意返，咁平既只限於比利時版特惠牌)。一包都夠我食成個幾兩個星期，咁計落又真係好肯平。
又因為咁，佢已經成為我既好朋友，亦變左個benchmark，即係點？即係當我買其他野時都會諗一諗，咦！唔肯係喎，一包意粉都係呢個價錢，點解呢樣個樣咁貴架。所以呢，變相有好多野食呀，物品呀，我都唔太捨得買。又因為咁，我遲遲都無入過任何肉類既貨，除左一包腸仔之外。拿，其實呢度就無咩新鮮食材既街市既，所以魚呀，肉呀，甚至蔬菜都係急凍為主，而一盒冰鮮雞肉有八隻脾大概成為港幣40蚊左右。
其實咁睇落真係唔算貴，一日一隻脾，我可以食到八大日咁多喎，圍起都係5蚊隻，唔錯丫。但事情係咁睇，當我買左好幾包意粉價錢都唔會貴過一盒雞肉既價錢，你就會乖乖咁將盒雞肉放返低。
窮學生呀～
不過又好彩，本身我都唔係一個好肉既人，即使係香港都唔多食，呀，食得最多既就係魚肉，因為我是魚腔啊！所以呢，今日終於忍唔住買左盒雪藏魚食，成為港幣廿蚊左右，有四小小小小舊。咁諗，又食到四日啦～唔係喎！其實圍起都係5蚊舊，不過都係個句，俾錢賣單時你覺得唔使俾咁多，就無咁肉痛架啦！
所以所以，特此一篇紀念我終於有真正既白肉食啦！我會向雞脾肉進發架啦～
仲有仲有，遲來既中秋節快樂！呢度無人會知咩係中秋節，所以呢，我只好煮一煲意大利粉，與月共享～月餅？算吧啦。
Facebook專頁：https://www.facebook.com/backpackersopoor
Search